Kondaira-lurraldea: Bizkaia
Epai-barrutia: Durango
Eskualdea: Arratia Harana
Azalera: 17,52 km2
Geografiazko kokapena: 43° 00’ 50’’ N; 0° 54’ 36’’ E

Geografia

Udalerria, Arratia haranaren behekaldean da eta bataz besteko altuera, itsas gainetik, 91 metrokoa da. Gora-behera gitxiko azalera dau eta erdikaldean -Elexalde eta San Joan auzuneak diraneko eremua errekagunea hedatzen da-, hor, Arratia eta Indusi ibaiak bat egiten dabelarik. Arratia ibaiak udalerria, Hegoaldetik Iparralderantza igaroten dau, bertako zenbait ibai-adar (Igorrebaso eta Urkizu) hartzen ditualarik, aipatu  Indusi bereziz. Igorre Udalerriaren inguruan mendiztia da, hor zenbait mendi bizkartxoak diralarik, horrein artean, Mandoia (634 metro) mendi-hegala eta Arginatx (517 metro), Bizkaiko antiklinal iparraldekoari dagokiozalarik; Iparralderago, Aramotz mendiketa da (514 metro), Ekialderantza hedatuz, durangaldeko bereizgarriak diran, harkaitzezko gallurrez; Hego-Ekialderantza, Motxogana mendixka da.

Mugak

Iparraldetik, Lemoa; Hegoaldetik, Arantzazu eta Zeberio; Mendebaldetik, Bedia eta Ekialdetik, Dima.

Biztanleria

Igorreko biztanleak, 2007-1-1.ean, 4.070 ziran, biztan leriaren trinkotasuna edo dentsitatea, 232,3 biz./km2. koa izanik; 2.007 gizonezkoak eta 2.063 emakumezkoak. Gehienezko gehitzea, 60-eko hamarkadan izan zan (%33), ondoko udalerrietatik eta bestelako lurraldeetatik, batez be Andaluziatik, etorritakoen arabera, industria jardueraren eraginez. Ordutik aurrera, etengabeko atzerakada edo gitxitzea izan da, lurraldean gertatu dan moduan. Biztanleria, Igorre-Elexalde hirigunea izan ezik, sakabanaturik da edota lur landuaz inguraturik diran alde edo auzo txikiz osaturik da, auzo garrantzitsuenak, Basa untz, San Joan, Santa Lutzi, San Kristobal eta Urkizu dira.

Urtea/Biztanleak

1900.......1.365
1920.......1.722
1940.......1.732
1950.......1.843
1960.......2.016
1970.......2.677
1981.......3.426
1991.......3.884
1998.......3.938
2002.......3.964
2007.......4.070

Ekonomia arloko Egitura

Jardunerako gai diran, Igorreko biztanleak, 1.796 dira, horreitatik, 131 (%7,3-a), Kon daira Lurraldeko ehunekoaren erditik behera, langabe edota lanbidea lehenengoz billatzen ari diralarik.
Horren banaketa hurrengoa da:
– Oinarrizko Saila. 26 dira hemen, lanean diranen %1,6-a. Nekazaritzarako azalera, 1.051 Ha. koa da, gehiena zuhaiztia edo basoa izanik (serrategietarako) eta, ardikide eta, batez be, abelgorrien sail garrantzitsuaren larreak. Dagokion Kondaira Lurraldea menditsua izanik, Udalerria be holangoa danez, ez dau lugintza laguntzen, eta halan ta guztiz be, Igorren, 60 Ha. ko azalera izanik (%5,7), bataz bestekoa bikoiztu egiten da, gehinbaten artoa egiten dalarik.
– Industria eta Eraikuntza Saila. 822 ari dira hemen, lanean diranen %49,30-a, alde honetako ekonomiaren eragilea dalarik. Lantegietan, metalezko gaiak lantzen dira.
– Zerbitzuak. 817 ari dira hemen, lanean dan kopuruaren %49,4-a. Merkataldenda txikiak dira. 

Ibilpideak

Igorre, Arratia ibaiaren eta “N-240” errepidearen artean hedatzen da; hau, Ipar-Ekialdetik, Lemoa eta Bilborantza eta Hego-Mendebaldetik, Arantzazu eta Gasteizerantza.Dimarako errepidea igarotzen da, Hego-Ekialderantza. Autobus zerbitzua da Bilbotik Zeanurirarte eta Bilbotik Ubiderarte. Eusko Trenaren hurreneko geltokia Lemoan dago.